"Neftçi"nin 2026/27-ci illər mövsümü üçün hazırlıq planı müəyyənləşib.
Komanda iki mərhələdən ibarət təlim-məşq toplanışının birinci mərhələsini iyunun 20-dən 28-dək Bakıda - “Palms Sports” Futbol Mərkəzində keçəcək.
Toplanışın ikinci mərhələsi iyunun 29-dan iyulun 14-dək Sloveniyanın Moravske Toplitse şəhərində reallaşacaq. “Hotel Livada Prestige”də məskunlaşacaq "ağ-qaralar" bu mərhələ ərzində 4 yoxlama görüşü keçirməyi planlaşdırır.
Oyunlar 2, 6, 10 və 13 iyul tarixlərində baş tutacaq. İyulun 2-dəki matçda rəqib Serbiya “Partizan”ı olacaq.
Bir həftədən artıqdır Bakıda olan Yuri Vernidub narahatlıq içindədir. Paytaxt təmsilçisini 2 illik aradan sonra avrokuboklara qaytarmış mütəxəssis aparmaq istədiyi islahatların lənğ getməsinə üzgündür.
«Ağ-qaralar» bu ayın əvvəlində Vensan Abubakar, Edvin Kuç, Kristian Kostin və Murad Məmmədovla vidalaşıb. Müqavilə müddətləri bitdiyi üçün düşərgəni sakitcə tərk ediblər.
Ukraynalı çalışdırıcının xidmətinə maraq göstərmədiyi, lakin kontraktı davam edən 3-4 legioner var ki, onları hələik buradan yola salmaq mümkün olmayıb.
Vernidubun «qara siyahı»sında yer alanlar yüksək təzminat tələb etdiyindən, danışıqlar uzanmaqdadır. Belə getsə, baş məşqçi onları Sloveniya toplanışına aparmaq məcburiyyətində qalacaq.
SPORTİNFO.AZ
