“Neftçi” FKSB-in cənubi afrikalı müdafiəçisi Siyabonqa Nqezananı transfer etməyi planlaşdırır.

Sportinfo.az “SNL24” portalına istinadən xəbər verir ki, bu münasibətlə bakılılar şərtləri müzakirə etmək üçün Rumıniya çempionuna müraciət edib.

Lakin FKSB-nin istədiyi məbləğ “Neftçi”nin transferdən imtina etməyə məcbur qoyub.

Rumınlar mərkəz müdafiəçisi üçün 7 milyon avro istəyib.

Onun Rumıniya klubu ilə müqaviləsi 2027-ci il iyunun 30-na qədərdir. Afrikalı müdafiəçinin “transfermarkt” portalındakı dəyəri 1,6 milyon avro olaraq qiymətləndirilir.

Neqzana 2023-cü ildə "Kayzer Çifs" klubundan FCSB klubuna keçib.