“Renn”in müdafiəçisi Mahamadu Naqida Avropanın üç tanınmış klubunun maraq dairəsinə düşüb.
Sportinfo.az xarici KİV-ə istinadən xəbər verir ki, “Mançester Yunayted”, “Yuventus” və Dortmund “Borussiya”sı kamerunlu futbolçunun çıxışını yaxından izləyir.
Klubların skautları oyunçunun fiziki göstəricilərini və hücum potensialını bəyəniblər.
Naqida 2024-cü ilin yayından “Renn”də çıxış edir. Onun klubla müqaviləsinin müddəti 2029-cu ilin iyununa qədərdir.
