“Braqa” Konfrans Liqasının 3-cü təsnifat mərhələsinin püşkatmasının nəticəsindən razıdır.
Sportinfo.az yerli mətbuata istinadən xəbər verir ki, klub rəhbərliyi Liqa yolunda işlərinin asan olacağını düşünür.
Belə ki, 2-ci raundda Serbiya klubu “Jelezniçar”la qarşılaşacaq “Braqa” Pançevo təmsilçisini üstələsə, növbəti mərhələdə “Neftçi” – “Dinamo” (Minsk) cütünün qalibinə rəqib olacaq.
Portuqaliya mətbuatı hətta “Braqa”nı indidən pley-offda görür: “Nə indiki rəqib, nə də potensial rəqiblər “Braqa” səviyyəsinə yaxın deyil.
Bu üzdən püşkün nəticəsindən gileylənmək olmaz. Hətta demək olar ki, bu, ən gözəl püşkdür”.
