Bu həftə Konfrans Liqasında ikinci təsnifat mərhələsinə yekun vurulacaq.

“Neftçi“ Bolqarıstanda “Dinamo Minsk“in önünə çıxacaq.

Bakıdakı görüşdə belaruslara 2:4 hesabıyla uduzmuş “ağ-qaralar“ın cavab oyununda etməli olduğu vacib dəyişiklər var.

İki top fərqini aradan qaldırmaq üçün “Neftçi” hücum etməyə məcburdur, lakin ilk dəqiqədən nəzarətsiz şəkildə irəli atılmaq çox təhlükəlidir.

“Dinamo Minsk” hesab üstünlüyünə sahib olduğu üçün daha aşağı blokda müdafiə olunaraq “Neftçi”nin arxada buraxacağı boşluqları gözləyə bilər. Buna görə Bakı təmsilçisi hücum zamanı arxa balansı qorumağa xüsusi diqqət yetirməlidir.

Topa sahib olduqda mərkəz müdafiəçilərindən birinin və dayaq yarımmüdafiəçisinin arxada qalması, cinah müdafiəçilərinin eyni anda deyil, növbəli şəkildə hücuma qoşulması daha təhlükəsiz ola bilər.

“Neftçi” rəqibin blokunu yalnız cinah asmaları ilə deyil, xətlərarası ötürmələr, üçüncü oyunçu qaçışları və cərimə meydançasının önündən kombinasiyalarla açmağa çalışmalıdır.

Pressinq də epizodik yox, kollektiv olmalıdır. Hücumçu mərkəz müdafiəçisinə təzyiq göstərdiyi zaman cinah oyunçuları rəqibin kənar müdafiəçilərini, mərkəz yarımmüdafiəçiləri isə yaxın ötürmə xətlərini bağlamalıdır.

Əks halda, bir futbolçunun pressinqi rəqib üçün asanlıqla keçilən formal təzyiqə çevriləcək.

“Neftçi” üçün ilk qolun vaxtı çox vacibdir. Erkən qol ümumi hesab fərqini minimuma endirərək “Dinamo Minsk” üzərində psixoloji təzyiq yarada bilər.

Lakin ilk qol axtarışında buraxılan qol qarşılaşmanın praktiki olaraq taleyini həll edə bilər. Buna görə komanda hücum intensivliyi ilə müdafiə təhlükəsizliyi arasında düzgün balans tapmalıdır.

Ümumilikdə, “Sabah” ilk oyunda struktur, topa nəzarət və müdafiə keçidləri baxımından rəqibindən üstün oldu. KuPS isə aşağı blok, fiziki mübarizə və standart vəziyyətlər üzərindən cavab oyununda şans axtaracaq.

“Neftçi”nin qarşılaşmasında isə ilkin hücum planı uğurlu olsa da, oyunun sonrakı mərhələlərinin idarə edilməməsi nəticəni dəyişdi.

Cavab oyunlarında “Sabah” üçün əsas vəzifə üstünlüyü ağıllı şəkildə idarə etmək, “Neftçi” üçün isə riskli hücum futbolunu komanda balansını pozmadan həyata keçirmək olacaq.

SPORTİNFO.AZ