“Neftçi”dən ayrılan Ryonosuke Ohorinin yeni klubu məlum olub.
Yaponiyalı yarımmüdafiəçi karyerasını Serbiyada davam etdirəcək.
Ohori “Radnik”lə anlaşıb. 25 yaşlı asiyalı Super Liqa təmsilçisi ilə 2029-cu ilin 30 iyun tarixinə kimi nəzərdə tutulan müqavilə imzalayıb.
Ohori 2025/26 mövsümündə icarə əsasında “Kəpəz”də çıxış edib. O, “sarı-göylər”in heyətində meydana çıxdığı 27 rəsmi matçda 4 qol vurub.
“Neftçi“ Ohorinin keçidi üçün qarşı tərəfdən təzminat tələb etməyib. Yapon “Radnik”ə havayı başa gəlib.
Balkanlılar ona yüksək əməkhaqqı da ödəməyəcək. Yarımmüdafiəçi aylıq 5000 avro maaş alacaq.
SPORTİNFO.AZ
.jpg)
