“Neftçi” Rusiyanın Ulyanovsk şəhərində keçirilən “Simbirsk Kuboku” beynəlxalq uşaq futbol turnirində iştirak edib.
Klubun futbol akademiyasının 2016-cı il təvəllüdlü futbolçulardan ibarət komanda burada diqqət mərkəzinə düşüb.
“Dinamo”nun (Moskva) akademiyasının direktoru Aleksandr Kuznetsov “Neftçi”nin uşaqları barədə müsbət fikirlər söyləyib.
Atası vaxtilə “Neftçi”də çıxış etmiş, özü də bakılı olan Kuznetsov onların oyununu yüksək qiymətləndirib. O, komandanın meydandakı təşkilatlanmasını, intizamını və futbolçuların potensialını xüsusi vurğulayıb.
Kuznetsov həmçinin “Neftçi”nin qapıçısı Fateh Camalovun nümayiş etdirdiyi oyunu ayrıca qeyd edib.
Onun sözlərinə görə, Fateh Camalov çox yaxşı performans göstərib və komandasına mühüm anlarda ciddi dəstək olub.
Bundan əlavə, “Dinamo”nun direktoru “Neftçi” akademiyasının bir neçə futbolçusunu fərqləndirərək, onların gələcəkdə yaxşı futbolçu olmaq potensialına sahib olduqlarını bildirib.
