“Neftçi”nin sabiq baş məşqçisi Laurentsiu Regekampfın yeni iş yeri bəlli olub.
Sportinfo.az xəbər verir ki, rumıniyalı mütəxəssis yenidən Tunisdə çalışacaq.
O, bir il əvvəl ayrıldığı “Esperansa Tunis”lə anlaşıb. Bu barədə klubun mətbuat xidməti məlumat yayıb.
Regekampf 2022-2023-cü ildə “Neftçi”də işləyib. O, daha sonra ölkəsində “Universitatya Krayova” və Səudiyyə Ərəbistanıda “Əl-Tai” klublarını çalışdırıb.
Ardınca 2024-cü ildə “Esperansa Tunis”lə 1 illik müqavilə imzalayan rumın mütəxəssis ötən yay klubdan ayrılıb. Regekampfın son iş yeri isə Sudan təmsilçisi “Əl-Hilal” olub.
