“Freddi Varqası icarəyə verərkən “Neftçi” ilə bağlanan müqavilədə satınalma bəndi var idi”.
Sportinfo.az xəbər verir ki, bunu futbolinfo.az-a açıqlamasında İsrailin “Makkabi” (Netanya) klubunun idman direktoru Gil Lev deyib.
O bildirib ki, Varqasın Azərbaycanda qalıb-qalmaması Bakı klubunun verəcəyi qərara bağlıdır:
“Onlar bunu istəsələr, edəcəklər. Çox şadam ki, o ötən mövsüm Azərbaycan çempionatında yaxşı səviyyədə çıxış edib. Freddi çox yaxşı oyunçudur”.
Klub rəsmisi transfer üçün “Neftçi”nin nə qədər ödəməli olduğu barədə suala isə belə cavab verib:
“Biz transfer məbləğlərini açıqlamırıq. Ümumiyyətlə, maddi tərəfləri açıqlamaq istəmirik”.
