2026/2027 mövsümündə Azərbaycanı Konfrans Liqasında təmsil edəcək "Neftçi"nin 26 potensial rəqibindən 11-i artıq məlumdur.
Sportinfo.az xəbər verir ki, Bakı təmsilçisi mübarizəyə I təsnifat mərhələsindən başlayacaq.
Yuri Vernidubun rəhbərlik etdiyi kollektivin dəqiqləşmiş potensial rəqibləri “Styarnan” (İslandiya), “Europa” (Cəbəllütariq), “İnter” (Finlandiya), “Yelimay” (Qazaxıstan), “Hegelmann” (Litva), “Penibont” (Uels), “NSİ Runavik” (Farer adaları), “Glentoran” (Şimali İrlandiya), “Marsaşlokk” (Malta), “Nomme Kalju” (Estoniya)* və “Karnarvon Taun”dır (Uels).
Konfrans Liqasının I raundunun püşkü iyunun 16-da atılacaq. Oyunları isə 9-16 iyul tarixlərində keçiriləcək.
