Premyer Liqada 32-ci tura bu gün yekun vurulacaq.
Son oyun günündə iki görüş keçiriləcək.
Əvvəlcə "Zirə" adını daşıdığı "Sumqayıt"ı qəbul edəcək. Oyun meydan sahibləri üçün olduqca əhəmiyyətlidir.
Hazırda 5-ci pillədə qərarlaşan Rəşad Sadıqovun komandası sona iki tur qalmış dördücü yerdə olan "Neftçi"dən 3 xalı geri qalır.
Daha bir vacib matça çıxacaq "Neftçi" isə artıq çempionluğunu rəsmiləşdirən "Sabah"ın qonağı olacaq.
Azərbaycanı 2026-2027 mövsümündə avrokuboklarda təmsil edəcək yalnız 4-cü komanda hələ müəyyənləşməyib ki, bu da ya "Neftçi" ya da "Zirə" olacaq.
Çempionatı dördüncü pillədə başa vuracaq komanda mübarizəyə Konfrans Liqasının 1-ci təsnifat mərhələsindən start verəcək.
İki illik aradan sonra avrokuboklarda yarışmaq fürsəti yaxalayan "Neftçi"nin futbolçuları rəhbərlikdən sevindirici xəbər alıb.
Onlara öncədən vəd olunan mükafat yenidən artırılıb. 5000-6000 manatlıq "ənam" 10 minə kimi qaldırılıb.
Maraq üçün yada salaq ki, "ağ-qaralar" cari mövsüm ərzində bu qədər pulu yalnız 1 dəfə qazanıb. 21-ci turdan təxirə salınmış derbidə "Qarabağ"ı 2:1 hesabıyla üstələyən bakılılar 10000 manatı əldə edib.
SPORTİNFO.AZ
.jpg)
