FIFA-nın “Neftçi”yə transfer qadağası qoyub.
Dünən axşam Ukrayna mediasının FİFA-ya istinadən yaydığı bu xəbər şok effekt yaratdı.
Amma "Neftçi" azarkeşlərinin ciddi narahatlığına əsas yoxdur.
Bu barədə Sportinfo.az-a açıqlamsında "Neftçi"nin mətbuat katibi Asəf Zeynallı deyib:
"Transfer ödənişi geçikəndə FIFA-nın müvafiq portalı avtomatik olaraq klubu qırmızı siyahıya salır və transfer qadağası gəlir. Bu, dünya praktikasında tez-tez rast gəlinən məsələdi.
Əsas öhdəliklər bağlanandan sonra qadağa avtomatik olaraq aradan qalxır. Artıq biz tərəfdən ödəniş həyata keçirilib, qarşı tərəf təsdiqləyəndən sonra maksimum 3-5 günə transfer qadağası aradan qaldırılacaq.
Narahatlığa əsas yoxdur, heç bir borc öhdəliyimiz yoxdur.
Sadəcə, texniki məsələlərə görə bir ödəniş gecikmişdi, o da artıq həllini tapıb. Azarkeşlərimiz narahat olmasınlar".
XANOĞLAN
