“Qələbə ruhu olmasaydı, “Qarabağ”ı məğlub edə bilməzdik”.
Bu sözləri Sportinfo.az-a açıqlamasında “Neftçi“nin hücumçusu Alessio Kurçi deyib.
Lüksemburqlu forvard bildirib ki, Premyer Liqanın ötən turunda “Qarabağ“ üzərində əldə olunan 2:1 hesablı qələbə komandaya qarşıdakı 4 oyun üçün əlavə ruh yüksəkliyi, inam yaradıb:
“Ruh yüksəkliyi onsuz da var. Artığına ehtiyac yoxdur. Amma o başqa məsələ ki, turnir cədvəlində “Zirə”ni geridə qoymaq istəyirik.
Mövsümü dördüncü yerdə bitirmək üçün son gücümüzü də meydanda qoyacağıq. Daha xal itirə bilmərik.
Çünki Konfrans Liqasında mübarizə aparmaq istəyirik“.
