Aprelin 30-da Misli Premyer Liqasında 21-ci turdan təxirə salınan oyun keçiriləcək.
“Neftçi” və “Qarabağ” mövsümdə üçüncü dəfə qarşılaşacaq.
Paytaxt klubu derbiyə ciddi itki ilə çıxacaq. Belə ki, Vensan Abubakar növbəti dəfə zədələnib. Kamerunlu hücumçunun 3 gün öncə 1:5 hesabıyla bitən ötən qarşılaşmada olduğu kimi, yenə meydandan kənarda qalacaq.
34 yaşlı forvard hazırda fərdi məşq edir, kollektivə qoşulmur. Afrikalı ulduz gündəlik olaraq həkimlərin nəzarəti altındadır.
Premyer Liqada 6 qolu olan sabiq “Beşiktaş“lı ayağındakı ağrıların hələ də onu onu incitdiyini deyir. O. ən yaxşı halda 5-10 dəqiqə forma geyinə biləcəyini söyləyib.
SPORTİNFO.AZ
