Samir Abasova yeni müqavilə təklif etməyən “Neftçi”nin danışıqlar apardığı baş məşqçilərdən birinin kimliyi redaksiyamıza bəlli olub.
Paytaxt klubundan əldə etdiyimiz məlumata görə, həmin mütəxəssis Temur Ketsbayadır.
Funksionerlədən biri şəxsən onunla görüşmək üçün Avropaya yollanıb.
Gürcü çalışdırıcı hazırda “Anortosis Famaqusta”da işləyir. O, 2019-cu ildən Kipr klubunun sükan arxasındadır.
Tbilisi “Dinamo”sunun yetirməsinin futbolçu karyerası kifayət qədər zəngindir. 1992-ci ildə buradan ayrılan hücumçu legioner həyatına elə “Anortosis”də başlayıb (1992–1994).
Daha sonra Yunanıstanda AEK, İngiltərədə “Nyukasl” və “Vulverhempton”, Şotlandiyada
“Dunde”nin formasını geyinib. 2002-ci ildə yenidən “Anortosis”ə dönən Ketsbaya 5 il “ağ-göylər”in şərəfini qoruyub və karyerasını da elə burada başa vurub.
Məşqçi işinə “Anortosis”də başlayan gürcüstanlı 2009-cu ilədək görəvdə qalıb.
“Olimpiakos”un təklifini qəbul edən Ketsbaya növbəti illərdə APOEL, AEK, “Orenburq”un uğurları üçün çalışıb. 2009-2014-cü illərdə Gürcüstan yığmasının ona tapşırıldığını da xatırladaq.
SPORTİNFO.AZ
