.jpg)
"Proyssen"lə yollarını ayıran Rüfət Dadaşov ABŞ-ın ikinci Liqa təmsilçisi "Feniks Rizinq"lə müqavilə bağlayıb.
Sportinfo.az xəbər verir ki, bu barədə klubun rəsmi saytı məlumat yayıb. Millimizin üzvü ilə 2020-ci ilin sonuna qədər sözləşmə imzalanıb.
28 yaşlı forvard imza mərasimindən sonra klub saytına açıqlama verib: "Feniks Rizinq"də oynamaq mənim üçün xəyaldır. 2014-cü ildə Azərbaycan millisi ilə ABŞ yığmasına qarşı oynadığım vaxtdan bəri Amerika futbolunu yaxından izləyirəm və burada böyük inkişaf görmək məni yaxşı mənada təəccübləndirir.
Həqiqətən bu klubun bir parçası olmağı çox istəyirdim. Rik Şantzla danışdıqdan sonra "Feniks" üçün oynamaq istədiyimi 100 faiz qətiləşdirdim. Komanda yoldaşlarımla, azarkeşlərlə görüşmək, Arizonanı görmək və ən əsası, komandaya kömək etmək üçün səbirsizlənirəm".
