"Barselona"nın kapitanı Lionel Messi La Liqanın 21-ci turunda "Valensiya" ilə matçda (0:2) şəxsi anti-rekordunu yeniləyib.
Sportinfo.az xəbər verir ki, 32 yaşlı argentinalı 90 dəqiqə ərzində rəqib qapısına 11 zərbə endirib. Lakin bu zərbələrin heç biri qolla nəticələnməyib.
Bu, katalonların liderinin 2017-ci ildə "Deportivo" ilə oyundakı uğursuzluğunun təkrarı olub. Messi həmin matçda da qapıya 11 zərbə vurmuş, lakin "çərçivə"yə yol tapa bilməmişdi.
"Barsa"nın kapitanı cari mövsüm Primeroda 16 oyun keçirib, 14 qol vurub, 6 məhsuldar ötürmə ilə yadda qalıb.
