Azərbaycana gələn hücumçu “Zirə”nin maraq dairəsində

9 Noyabr 2021 15:00 Keşlə 1 072
Azərbaycana gələn hücumçu “Zirə”nin maraq dairəsində

Felipe Santosun “Keşlə”ni hansı kluba dəyişmək istəməsi məlum olub.

Yayda Sloveniyadan Azərbaycana gələn braziliyalı legioner öz gələcəyini “Zirə”də görür.

“Maribor”un sabiq hücumçusu daha yaxşı şərtlətlə “qartallar”ın formasını geyinmək niyyətindədir. Yayda «Keşlə» ilə 1 illik müqavilə imzalayan “sambaçı” istəyi barədə klub rəhbərliyini məlumatlandırıb.

Cənubi amerikalı qış fasiləsində müqaviləni pozmağı düşündüyünü bildirib. Onu narazı salan Sənan Qurbanovun münasibətidir.

Belə ki, baş məşqçinin tez-tez əcnəbi futbolçuları mətbuatın «önünə atması», uğursuzluqların müqəssirləri qismində onları nişan verməsi «sambaçı»nı boğaza yığıb.

«Keşlə»nin mövsümlərarası fasilədə heyətinə qatdığı yeganə səviyyəli legioner olan Felipe belə şəraitdə klubda qalmağı mənasız hesab etdiyini bildirib.

“Neftçi” ilə oyunda sərgilədiyi əla performans “Zirə”də də ona qarşı güclü maraq yaradıb. Braziliyalı vurduğu 1 qol və 2 məhsuldar ötürmə ilə paytaxt derbisinin taleyini öz komandasının xeyrinə dəyişdi.

SPORTİNFO.AZ

Digər Xəbərlər
Xəbər Lenti