“Şerif”in sabiq hücumçusu Zigi Badibanqa Azərbaycandan təklif alıb.
Sportinfo.az-ın məlumatına görə, “Keşlə” belçikalı legionerə dəvət göndərib.
Bu ilin əvvəlində Qazaxıstana yollanan forvard Karaqanda “Şaxtyor”undan ayrılmaq istəyir.
Azərbaycan kubokunun son sahibi bunu bildiyindən, bizm futbolsevərlərə yaxşı tanış olan Badibanqanı 6 aylıq icarəyə götürməyə də hazırdır.
Zigi 2017-ci ildə Çempionlar Liqasının III təsnifat və ötən il Avropa Liqasının pley-off matçlarında “Qarabağ”a qarşı forma geyinib.
O, 2017-ci il avqustun 1-də Tiraspolda ağdamlılara 1:2 hesabı ilə uduzduqları görüşdə komandasının yeganə qoluna imza atıb.