Bu gün «Zirə» ilə ölkə kubokunun yarımfinal mərhələsinin ilk oyununa çıxacaq «Keşlə»nin düşərgəsində insident baş verib.
Futbolçularla münasibətləri qaydasında olmayan Sənan Qurbanov bu dəfə köməkçisi Azər Bağırovla problem yaşayıb.
Məşq əsnasında ikili arasında yaranan anlaşılmazlıq daha sonra bazada mübahisəyə çevrilib. Baş məşqçinin ona yönələn iradları ilə razılaşmayan Bağırov ona cavab qaytarıb.
Belədə tərəflər bir-birlərinin ünvanına heç də xoş olmayan ifadələr işlədib. Bağırovun Qurbanovu döymək istəməsinə səsə gələn klub nümayəndələri imkan verməyib.
SPORTİNFO.AZ