“Turan Tovuz”la müqaviləsini qarşılıqlı razılıq əsasında pozan Veysəl Rzayev mövsümün ikinci hissəsini “Kəpəz“də keçirəcək.
Yarımmüdafiəçi sonradan 1 il uzadılmaq şərtiylə Gəncə təmsilçisi ilə 6 aylıq müqavilə imzalayıb.
Onun bu periodda nə qədər pul qazanacağı da məlumdur.
“Sarı-göylər“ tovuzlu orta sahə oyunçusuna hər ay 7500 manat əməkhaqqı ödəyəcək. Bu isə onun doğma rayonunun klubunda aldığı məvacibdən 500 manat çoxdur.
Pzayev 2022/2023 mövsümündən “Turan Tovuz”un formasını geyinirdi. O, bu müddət ərzində Premyer Liqada meydana çıxdığı 79 oyunda 2 qolla yadda qalıb.
SPORTİNFO.AZ
.jpg)
