ssss.jpg)
Azərbaycan millisinin hücumçusu Mahir Emreli bu gün Albaniyaya uduzduqları yoldaşlıq matçından (1:3) sonra jurnalistlərə açıqlama verib.
Sportinfo.az xəbər verir ki, 26 yaşlı futbolçu əvvəlcə komandanın ümumi oyununu dəyərləndirib.
O, istədikləri oyunu nümayiş etdirə bilmədiklərini söyləyib:
“Düşünürəm ki, ilk 10-15 dəqiqə istədiyimiz kimi keçmədi. Elə həmin müddətdə qol buraxdıq.
Bundan sonra artıq bərabər səviyyədə oyun getdi. Buraxdığımız qolları gördünüz.
Rəqib bir qolda nəsə yarada bildi, digər 2 qolu səhvlərimizdən buraxdıq. Bizim də şanslarımız oldu.
Şansları daha yaxşı dəyərləndirə bilərdik. Ümumilikdə, komandanın yaxşı oyun nümayiş etdirdiyini düşünürəm. Məncə, nəticə oyuna uyğun olmadı".
