İtaliya millisinin yeni baş məşqçisi Roberto Mançini olacaq.
Sportinfo.az xarici KİV-ə istinadən xəbər verir ki, bu barədə İtaliya Futbol Federasiyasının şurasının iclasında qurumun prezidenti Covanni Malaqo məlumat verib.
Bildirilib ki, yaxın günlərdə Klaudio Ranyerinin də İtaliya Futbol Federasiyasında texniki direktor vəzifəsinə təyinatı rəsmən açıqlanacaq. O, bu postda Paolo Maldinini əvəz edəcək.
İtaliya millisinin baş məşqçi postuna əsas namizəd Andrea Pirlo idi. Ancaq o, ötən gün ilkin razılığın əldə olunmasına baxmayaraq, komandaya rəhbərlik etməyəcəyini açıqlayıb.
Buna səbəb kimi Pirlonun Rusiyanın “Fonbet” bukmeker şirkəti ilə əməkdaşlığının təyinat prosesini çətinləşdirməsi göstərilib.
Bundan sonra İtaliya Futbol Federasiyasında bir sıra dəyişikliklər baş verib. Belə ki, texniki direktor Paolo Maldini və federasiya prezidentinin müşaviri Leonardo da vəzifələrini tərk ediblər.
.jpg)