![İki qol vurdu, 20-ci dəfə çempion oldu - VİDEO+FOTO](https://www.sportinfo.az/media/2024/04/24/whatsapp_image_2024-04-23_at_01.12.12.jpg)
İtaliya A seriyasında 33-cü tura yekun vurulub.
Sportinfo.az xəbər verir ki, turun son matçında Milan derbisi baş tutub.
Şəhərin eyniadlı komandası əzəli rəqibi “İnter”i qəbul edib. 3 qolun vurulduğu matçda nominal qonaqlar qələbə qazanıb.
Bu qələbə sayəsində xallarının sayını 86-ya çatdıran “İnter” çempionluğunu rəsmiləşdirib. İkinci pillədəki “Milan” 69 xala malik olduğundan qarşıdakı 5 tur ərzində əzəli rəqibinə çatması mümkünsüzdür.
Bu, “neradzurra”nın tarixində 20-ci Skudettodur.
“Milan” - “İnter” 1:2
Qollar: Françesko Açerbi, 18 (0:1), Markus Türam, 49 (0:2), Fikayo Tomori, 80 (1:2)