“Arsenal”ın qapıçısı Kepa Arrisabalaqa “İnter”in maraq dairəsinə düşüb.
Sportinfo.az xarici KİV-ə istinadən xəbər verir ki, Milan təmsilçisi təcrübəli ehtiyat qapıçı axtarışındadır və 31 yaşlı qolkiper etibarlı və əlçatan variant kimi qiymətləndirilir. “
İnter” artıq onu qısa siyahıya daxil etsə də, tərəflər arasında hələlik rəsmi danışıqlara başlanılmayıb.
İspaniyalı qolkiperin London klubu ilə müqaviləsinin müddəti 2028-ci ilin yayına qədərdir. “Transfermarkt” portalına görə, onun bazar dəyəri 7 milyon avro təşkil edir.
Arrisabalaqa cari mövsümdə “Arsenal” forması ilə bütün turnirlərdə 11 oyuna çıxıb, 11 qol buraxıb və 4 matçda qapısını toxunulmaz saxlayıb.
