"Espanyol"un futbolçusu U Ley koronavirusa yoluxub.
Sportinfo.az xəbər verir ki, 29 yaşlı çinli hücumçunun testi müsbət nəticə verib və o, evində karantindədir.
"Espanyol" daha öncə 6 oyunçusunda koronavirus aşkarlandığını bildirsə də, onların adlarını açıqlamayıb. La Liqa rəhbərliyi çempionat oyunlarını koronavirusa görə aprelin əvvəlinə kimi təxirə salıb.
U Ley 2019-cu ilin yanvarından "Espanyol"da çıxış edir. Çin millisinin də formasını geyinən forvard cari mövsüm Kataloniya təmsilçisinin heyətində 38 oyunda iştirak edib və 7 qol vurub.
.jpg)
.jpg)
