“Barselona”nın baş məşqçisi Hans-Diter Flik La Liqanın qarşıdakı turunda “Real”la keçiriləcək matç öncəsi start heyəti ilə bağlı yekun qərarını hələ verməyib.
Sportinfo.az “Marca”-ya istinadən xəbər verir ki, almaniyalı mütəxəssisin iki əsas mövqedə şübhəsi qalıb – mərkəz müdafiəçisi və cinah hücumçusu.
Flik müdafiənin mərkəzində hələ də Ronald Arauxo ilə Erik Qarsiya arasında seçim edə bilmir. Hücum xəttində isə zədəsini yeni sağaltmış Ferran Torres və Rafinya arasında rəqabət gedir.
“El klasiko” oktyabrın 26-da “Santyaqo Bernabeu”da baş tutacaq. “Barselona” hazırda La Liqanın turnir cədvəlində 2-ci pillədə qərarlaşıb və “Real”dan 2 xal geri qalır.
