"Mən əvvəlki yox, növbəti mövsümlər üçün narahatam"

8 Aprel 13:12 İngiltərə 109
"Mən əvvəlki yox, növbəti mövsümlər üçün narahatam"

İngiltərə Premyer Liqasının rəhbərliyi koronavirus pandemiyasına görə mövsümün vaxtından əvvəl tamamlanmasını elan etməyə hazırlaşır.

Sportinfo.az xəbər verir ki, bu barədə “Udineze”nin idman direktoru Pyerpaolo Marino bildirib.

"Belçika federasiyası UEFA tərəfindən mümkün sanksiyalara baxmayaraq, artıq mövsümün tamamlanması haqqında qərar qəbul edib. İngiltərə Premyer Liqası da belə bəyanat verməyə hazırlaşır, çünki orada vəziyyət çox, çox ciddidir", - deyə Pyerpaolo Marino qeyd edib.

O, futbolun yaxın gələcəkdəki taleyi ilə bağlı narahatlığını gizlətməyib. "Mən düzünü desəm, koronavirusdan sonra bizim futboldan həzz ala biləcəyimizə sadəcə ümid edirəm.

Bunun nə qədər çəkməsinin əhəmiyyəti yoxdur, bizə bu təhlükəli zonadan çıxmaq lazımdır. Mən əvvəlki yox, növbəti mövsümlər üçün narahatam", - deyə o “Sportitalia”ya bildirib.

Aprelin 3-də İngiltərə Premyer Liqasındakı fasilənin müddəti koronavirus pandemiyasına görə uzadılıb.

Xəbər Lenti
4 İyun 22:20 Ronaldo bunu da etdi ...