"Tottenhem"in baş məşqçisi Joze Mourinyo Son Xın Minin İngiltərə Premyer Liqasının XVI turunda "Börnli"yə vurduğu baxmlı qoldan danışıb.
Sportinfo.az Britaniya mətbuatına istinadən xəbər verir ki, portuqaliyalı mütəxəssis belə futbolçuya sahib olduğu üçün xoşbəxt olduğunu bildirib:
"İnanılmaz qol idi. Hələ bu qoldan əvvəl oğlum Sona Ronaldonun şərəfinə "Sonaldo" deyirdi. O, əla oyunçudur. Komandamda belə futbolçunun olması məni sevindirir".
Qeyd edək ki, "Tottenhem" - "Börnli" oyunu meydan sahiblərinin 5:0 hesablı qələbəsi ilə başa çatıb.
