“Liverpul”un baş məşqçisi Arne Slot “Kristal Pelas”ın müdafiəçisi Mark Quehiyə klubun marağı haqqında yayılan xəbərlərə münasibət bildirib.
Sportinfo.az xarici KİV-ə istinadən xəbər verir ki, niderlandlı mütəxəssis transferləri ictimai müzakirə etmədiyini deyib:
“Transferləri ictimai müzakirə etmirəm, xüsusilə də, digər klubların futbolçuları barədə. Bu suala cavab verməyimin mənası yoxdur, çünki bizə aid olmayan oyunçular haqqında danışmırıq”.
Əvvəlki xəbərlərdə “Liverpul”la yanaşı, “Mançester Siti” və “Arsenal”ın da Quehi ilə maraqlandığı bildirilirdi.
Həmçinin ingiltərəli müdafiəçinin yayda başa çatacaq müqaviləsini yeniləməyəcəyi barədə məlumatlar yayılmışdı.
“Liverpul” “Qarabağ”ın UEFA Çempionlar Liqasındakı rəqiblərindən biridir.
