“Vest Hem”in hücumçusu Luis Gilyerme “Sportinq”ə (Portuqaliya) transfer olunub.
Sportinfo.az xəbər verir ki, bu barədə Portuqaliya klubunun mətbuat xidməti məlumat yayıb.
19 yaşlı braziliyalı futbolçu ilə 2030-cu ilin yayına qədər olan müqavilə imzalanıb. O, yeni klubunda “31” nömrəli forma ilə çıxış edəcək.
Gilyerme 2024-cü ildən formasını geyindiyi Premyer Liqa təmsilçisinin heyətində 18 oyun keçirib.
