“Tottenhem”in hücumçusu Riçarlison klubundakı gələcəyi barədə açıqlama verib.
Sportinfo.az xəbər verir ki, braziliyalı forvard “Sky Sports”-a açıqlamasında komandası ilə bağlı fikirlərini bölüşüb:
“Düşüncələrim həmişə ‘Tottenhem’lə bağlı olub. Buradan getməyi heç vaxt ağlımdan keçirməmişəm. Hazırda yaxşı dönəm keçirirəm. Çalışmağa davam edəcəm”.
Riçarlison 2022-ci ilin yayından “Tottenhem”in formasını geyinir. Onun klubu ilə müqaviləsinin müddəti 2027-ci ilin iyununda başa çatacaq.
28 yaşlı hücumçu cari mövsümdə Premyer Liqada 2 oyuna çıxıb, 2 qol və 1 məhsuldar ötürmə ilə yadda qalıb.
