“Mançester Siti”nin hücumameyilli yarımmüdafiəçisi Fil Foden “şəhərlilər”in mümkün Premyer Liqa çempionluğu ilə bağlı fikirlərini bölüşüb.
Sportinfo.az “Yahoo Sports”-a istinadən xəbər verir ki, ingilis futbolçu əllərindən gələn hər şeyi edəcəklərini bildirib:
“Biz buna nail olmağı çox səbirsizliklə gözləyirik. Əlimizdən gələn hər şeyi edəcəyik
. Heç kim ardıcıl dörd dəfə Premyer Liqa çempionu olmayıb. Bu, bizim üçün çox şey deməkdir. Biz tarix yazmaq üçün son addımı atmalıyıq”.
İngiltərə çempionatının 38-ci turu çərçivəsində “Mançester Siti” “Vest Hem”i qəbul edəcək. Qalib gəlsə, Pep Qvardiolanın komandası ardıcıl 4-cü dəfə ölkə çempionu olacaq.
