İngiltərə Premyer Liqasında “Lester”- “Liverpul” oyununda üv sahiblərinin müdafiəçisi bir neçə dəqiqə ərzində iki avtoqol vurub.
24 yaşlı belçikalı Vout Fas Premyer Liqanın 18-ci turunun ilk yarısında iki dəfə topu öz qapısına göndərib.
Əvvəlcə Fas 38-ci dəqiqədə hesabı bərabərləşdirib, 45-ci dəqiqədə isə rəqibi hesabda irəli çıxarıb. Beləliklə, "Liverpul" qələbə qazanıb. 2:1.
Fas Premyer Liqa tarixində bir matçda iki avtoqola imza atan dördüncü futbolçudur. Bundan əvvəl Ceymi Karraqer (“Liverpul”, 1999), Maykl Proktor (“Sanderlend”, 2003) və Conatan Uolters (“Stok Siti”, 2013) bu şəkildə avtoqolların müəllifləri olub.
