"Aston Villa" və İsveç millisinin müdafiəçisi Lüdviq Auqustinsson mövsüm sonunda Birmingem klubundan ayrılacaq.
Sportinfo.az xəbər verir ki, İngiltərə klubu 28 yaşlı futbolçunun müqaviləsinə xitam verməyə hazırdır.
Hazırda icarə əsasında Əndəlusiya klubunda oynayan isveçlinin "Aston Villa" ilə 2025-ci ilə qədər müqaviləsi qüvvədədir. "Sevilya" yayda onun transfer hüququna yiyələnəcək.
Müdafiəçinin şərəfini qoruduğu İsveç yığması AVRO-2024-ün seçmə mərhələsində Azərbaycan millisinin rəqibidir.