Pol Poqbanın “Mançester Yunayted”də qalıb-qalmayacağı müzakirə mövzusudur.
Bir müddət əvvəl yayılan məlumatda bildirilirdi ki, Ronaldonun gəlişindən sonra Poqba MY-də qalmağı planlaşdırır.
Sportinfo.az xəbər verir ki, Polun qardaşı Matias Poqba bu barədə danışıb: “Pol hələ də qəti qərar verməyib ki, qalır, yoxsa gedir. Bütün hallarda, qərarı özü verəcək.
Amma onu deyim ki, hazırda özünü MY-də yaxşı hiss edir. Gözləyək, görək vaxtı gələndə həlledici qərar necə olacaq”.
Poqbanın müqaviləsi 2022-ci ilin yayında başa çatır.