"Liverpul"un futbolçusu Məhəmməd Salah Çempionlar Liqasının 1/4 finalında "Real"la keçirəcəkləri oyundan danışıb.
Sportinfo.az xəbər verir ki, 28 yaşlı hücumçu qarşılaşmanın azarkeşsiz keçirilməsinə görə ən çox "mersisaydlılar"ın əziyyət çəkəcəyini deyib.
"Səfərdə oynamaq bizim üçün daha çətin olacaq. Düşünürəm ki, hər kəs eyni şeyi deyərdi. Azarkeşlər tribunada olmayanda çox şey itiririk.
Fikrimcə, biz onların yoxluğundan digər komandalardan daha çox əziyyət çəkirik".
"Real" - "Liverpul" görüşü aprelin 6-da keçiriləcək.
