Azərbaycanın qızlardan ibarət həndbol yığması Bakı-2019 XV Avropa Gənclər Yay Olimpiya Festivalında yarımfinala vəsiqə qazanmaq şansını itirib.
Sportinfo.az xəbər verir ki, buna səbəb komandanın II turda Macarıstan kollektivinə 23:47 hesabı ilə uduzmasıdı.
İlk turda İsveçrəyə 16:34 hesabı ilə yenilən millinin Çexiya ilə oyunu formal xarakter daşıyacaq.
İkinci turdan sonra İsveçrə və Macarıstan hərəyə 4 xalla yarımfinala vəsiqə qazanıb. Xal qazana bilməyən Çexiya və Azərbaycan milliləri son sıraları bölüşürlər.
Qrup mərhələsində Çexiya ilə millimizin oyunu sabah 14:30-da başlayacaq.