Qadın həndbolçuların Almaniya Bundesliqasına yekun vurulub.
Sportinfo.az xəbər verir ki, milli qapıçısı Valentina Salamahanınnın çıxış etdiyi «Bietiqheym» 26-cı turda evdə «Borussiya» ilə üz-üzə gəlib.
İlk hissə meydan sahibələrinin üstünlüyü ilə bitsə də (14:12), fasilədən sonra dortmundlular tədricən təşəbbüsü ələ alaraq sonda qalib gəliblər – 26:25.
Bu yenilgi Valentinanın komandasının ölkə çempionatında 2-ci yer tutmasını əngəlləməyib. «Bietiqheym» mövsümü 40 xalla (+18=4-4) bitirib.
