Azərbaycan Həndbol Federasiyası qadın və kişilərdən ibarət yığma komandaların yeni baş məşqçilərinin adını açıqlayıb. Sportinfo.az-ın məlumatına görə, millilərimizdən birini yerli, digərini legioner mütəxəssis çalışdıracaq.
Belə ki, kişilərdən ibarət komandamızda Hikmət Abdullayev öz işini davam etdirəcək. Ondan fərqli, federasiyada vitse-prezident vəzifəsini daşıyacaq Rəfiqə Şabanova qadınlardan ibarət yığmamızın “sükanı”nı təhvil verib.
Millimiz vaxtilə bu komandada və ABU-da işləmiş ukraynalı Georgi Voronova həvalə olunub. Hər iki məşqçinin qarşısına mayın 12-22-də Bakıda keçiriləcək İslam Həmrəyliyi Oyunlarında layiqli iştirak tapşırığı qoyulub.
