.jpg)
Azərbaycanın kişi və qadınlardan ibarət komandaları Avropa Həndbol Federasiyası (EHF) kubokunda iştirak edəcəklər.
Sportinfo.az" xəbər verir ki, təmsilçilərimiz avqustun 15-dən bu turnirin hazırlıqlarına başlayıblar.
Artıq qadınlardan ibarət komandaların oyunlarının vaxtı və məkanı müəyyənləşib.
Yarışa 1/32 finaldan qatılacaq “Azəryol” Bosniya və Herseqovinanın “ZRK Krivaja” komandası ilə 30 sentyabr – 1 oktyabr tarixlərində rəqib meydanında qarşılaşacaq.
“Qarabağ” da İspaniyanın “KH-7 BM Granollers” kollektivi ilə eyni tarixlərdə səfərdə oynayacaq.
“Kür” isə İtaliyanın “Jomi Salerno” komandası ilə 23-24 sentyabrda Mingəçevirdəki “Kür” Olimpiya İdman Mərkəzində üz-üzə gələcək.
İki oyunun nəticəsinə görə üstünlük qazanan komanda növbəti mərhələyə adlayacaq.
Kişilərdən ibarət “Azəryol” I mərhələnin “Amber” (Litva) – “Brixen” (İtaliya) cütünün qalibinə rəqib olacaq.
“Kür” isə Xorvatiyanın “MRK Sesvete” kollektivi ilə mübarizə aparacaq. İlk oyunlar oktyabrın 14-15-də, cavab matçları bundan bir həftə sonra gerçəkləşəcək.
.jpg)
