Kişi həndbolçulardan ibarət Azərbaycan millisi Bolqarıstanın Varna şəhərində inkişaf etməkdə olan ölkələr arasında təşkil edilən dünya çempionatında növbəti oyununu keçirib.
Sportinfo.az xəbər verir ki, yığma D qrupundakı ikinci matçında Nigeriya ilə üz-üzə gəlib.
İlk turda ev sahiblərinə uduzan Azərbaycan yenə məğlubiyyətlə üzləşib. Görüş Afrika təmsilçisinin 35:17 hesablı qələbəsi ilə başa çatıb.
Milli komanda qrupdakı son oyununda Qvatemala ilə qarşılaşacaq. Mundiala aprelin 30-da yekun vurulacaq.
