"Ümid edirəm ki, Azərbaycan həndbolu yaxın gələcəkdə Avropada öz sözünü deyəcək".
Sportinfo.az xəbər verir ki, bunu həndbol üzrə Azərbaycan millisinin baş məşqçisi Nasser Salimi deyib.
İranlı mütəxəssis Konya-2021 V İslam Həmrəyliyi Oyunlarında çıxış edəcək komandanın hazırlığını yüksək qiymətləndirib:
"Azərbaycan yığması sürətlə inkişaf edir. Bütün istiqamətlər üzrə - həm fiziki, həm taktiki, həm də texniki hazırlığı artırmaq üçün məşq edirik.
İslamiadadakı rəqiblərimiz güclü olsa da, onlara qarşı layiqli çıxış etməyə çalışacağıq".
V İslam Həmrəyliyi Oyunları 9 - 18 avqustda keçiriləcək. “B” qrupunda yer alan Azərbaycan komandası Türkiyə və İranla üz-üzə gələcək.
