.jpg)
"Komanda yeni qurulub, ilk oyunumuz idi.
Gələn qarşılaşmada qələbə üçün əlimizdən gələni edəcəyik".
Sportinfo.az xəbər verir ki, bunu qadınlardan ibarət "Kür" klubunun həndbolçusu Səkinə Musayeva İtaliyanın "Jomi Salerno" komandasına 19:29 hesabı ilə uduzduqları Avropa Kubokunun 1/32 final mərhələsinin ilk matçından sonra jurnalistlərə açıqlamasında deyib.
Kapitan iddialı olduqlarını bildirib:
"Görüşə hazırlıqlarımız yaxşı keçmişdi. Gündə iki dəfə məşq edirdik. Yeni kollektivik. İnanıram ki, daha yaxşı olacaq".
Oyunçu məğlubiyyətin səbəbini bilmədiyini söyləyib: "Baş məşqçi ilə danışacağıq. Ümid edirəm ki, cütün taleyini xeyrimizə həll edəcəyik".
Tərəflər arasındakı cavab oyunu sentyabrın 24-də gerçəkləşəcək.
.jpg)
