“BOS milli komandamızın ev stadionudur”.
Bakı Olimpiya Kompleksinin (BOS) direktoru Cavid Qarayev Sportinfo.az-a açıqlamasında belə deyib.
Məlum olduğu kimi, Azərbaycanın əsas yığması Millətlər Liqasının oyunlarını Mərdəkanda - “Dalğa Arena”da keçirir. Halbuki ötən ilə kimi belə deyildi, komanda rəqiblərini BOS-da qəbul edirdi.
Millinin yenidən bura qayıtmaq ehtimalı varmı? Bu barədə müzakirələr gedirmi?
Cavid Qarayev bildirib ki, klubdan fərqli olaraq, yığma komandanın bir neçə ev stadionu ola bilər:
“Biz bunu digər ölkələrdə də görürük. Bəzən nəinki paytaxtda, hətta bölgə stadionlarında belə, ev oyunların keçirirlər.
Yəni milli komandalarımız istədiyi zaman rəsmi və yoldaşlıq oyunların BOS-da keçirə bilər”.
