“Azərbaycan millisindən yaxşı oynamağa davam etdik”.
Sportinfo.az xəbər verir ki, bunu Qazaxıstan millisinin futzalçısı Leo Azərbaycan yığmasına 3:2 hesabı ilə qalib gəldikləri DÇ-2024-ün elit mərhələ oyunundan sonra deyib.
Braziliyaəsilli oyunçu layiqli qalibiyyət əldə etdiklərini söyləyib:
“Qarşılaşmaya yaxşı başlamadıq, iki qol buraxdıq. Ancaq sonra toparlanaraq birinci hissədə hesabı bərabərləşdirdik.
Azərbaycan 5-ci meydan oyunçusunu buraxanda yaxşı müdafiə olunduq. Ümumilikdə uğurlu oynadıq və vacib qələbə qazandıq”.
Hazırda Qazaxıstan yığması 12 xalla A qrupuna başçılıq edir. Azərbaycan millisinin isə hesabında 3 xal var.
