.jpg)
“Qazaxıstan və Azərbaycan qrupun ən güclüləridir.
Hər iki komandanın qrupda ilk iki yeri tutmaq üçün yaxşı imkanları var.”
Sportinfo.az xəbər verir ki, bunu Qazaxıstan futzal millisinin baş məşqçisi Kaka Azərbaycana 4:2 hesabı ilə qalib gəldikləri DÇ-2024-ün elit mərhələ oyunundan sonra mətbuat konfransında deyib.
Braziliyalı mütəxəssis komandasının çıxışından razı qaldığını bildirib:
“Başqa cür gözləmirdim. Azərbaycanla oyunlarımız həmişə gərgin keçib.
Aktaudakı görüş də eynilə bu ssenaridə keçmişdi. Çox maraqlı oyun alındı.
Bizim üçün 3 xal vacib idi və buna nail olduq. Qələbəyə layiq idik”.
O, komandasının birinci hissədə hesabda geri düşməsinə baxmayaraq, sonda qələbə qazanmasını belə əsaslandırıb:
“Fasilədə futbolçulara dedim ki, eyni formada pressinq etməlisiniz, gec-tez qollar gələcək. Bunu da bacardıq”.
Baş məşqçi cavab matçından gözləntilərini də bölüşüb:
“Azərbaycan çox güclü rəqibdir. Görüşə ciddi hazırlaşacağıq.
Qazaxıstanda oynayacağımız üçün müəyyən üstünlüyümüz ola bilər. Amma yenə də görüşə ciddi yanaşacağıq”.
