.jpg)
Azərbaycan Futzal Federasiyası (AFF) növbəti mövsüm Yüksək Liqada çıxış etmək istəyən klublara “qara xəbər” verib.
Məlum olub ki, onlar dotasiya almayacaq. AFF bununla bağlı AFFA-ya təkliflər paketi göndərsə də, qurum məsələni müzakirəyə çıxarmağa gərək duymayıb.
Baxmayaraq ki, AFF-nın prezidenti Zaur Axundovun təklifinə əsasən, AFFA Yüksək Liqada çıxış edəcək klublara 1 milyon manat ödəyə bilərdi.
AFF göstərilən vəsaitin xərclənmə istiqamətlərini müəyyənləşdirməyi də AFFA-nın öz öhdəsinə buraxmışdı.
Bu təşəbbüs AFF-nın prezidenti Zaur Axundova məxsusdur. AFFA İcraiyyə Komitəsinin üzvü son toplantıda məsələ qaldırıb və futzal klublarının üzləşdiyi problemləri diqqətə çatdırıb.
O bildirib ki, maliyyə dəstəyi olmasa, ölkə çempionatının təşklində ciddi problemlər yaranacaq. Ancaq görünür, AFFA başbilənləri bu sahəyə diqqət ayırmağa yenə hazırlaşmır.
Yüksək Liqanın son mövsümündə 7 komanda yer alıb. Onlardan «Xilə» çıxışını yarımçıq başa vurubsa, «Alyans» və «Rekord» bir neçə dəfə meydançada «görünməyib».
«Araz Naxçıvan» 19-cu dəfə çempionluq əldə edib. «Neftçi»İK gümüş, «Bakı Fire» bürünc medallara yiyələnib.
SPORTİNFO.AZ
.jpg)
.jpg)
.jpg)
