Futzal üzrə Yüksək Liqada 18-ci turun oyunları keçirilib.

Sportinfo.az xəbər veri ki, turun bütün görüşləri “Olimpik Star”da baş tutub.

Pley-offa vəsiqəni təmin etmiş “Record” “Alyans”la üz-üzə gəlib. Qələbəni nominal meydan sahibləri qazanıb.

Mərkəzi oyunda isə lider “Araz Naxçıvan”la ən yaxın izləyicisi “Baku Fire” üz-üzə gəlib. Birinci hissə daha gərgin keçib.

“Araz Naxçıvan” 3 ardıcıl qol vursa da, qonaqlar fərqi 2-yə endirməyi bacarıb. Fasilədən sonra isə lider əbəs yerə iddialı olmadığını göstərib.

Turun son matçında U-19 yığmamız “Neftçi” İK ilə qarşılaşıb. Komandalar fasiləyə 1 top fərqi ilə yollanıblar. Təcrübəli “Neftçi” bu üstünlüyünü ikinci hissədə bir qədər də artırıb və yekunda aktivinə 3 xal yazdırıb.

"Alyans" – "Record" 5:4
Qol: Mohammedhossein Heydarpur, 3:58. Aqa Takliq Ali, 6:16; 33:22. Arzu Abbasov, 22:07. İmaməli Hüseynov, 25:30 – Taryel Xasıyev, 8:48. Emil Valehov, 15:02. Tofiq Məlikov, 23:52. İzzət Mehdiyev, 32:48.
Hakimlər: Ramil Namazov, Hidayət Feyzullayev, İmran Məhərrəmov.
Hakim-inspektor: Azər Əsgərov.
“Olimpik Star”

"Araz Naxçıvan "– "Baku Fire" 6:1
Qol: Nata Felipe, 2:32; 22:46. Amadeu, 3:21; 22:05. Katatau, 3:51. İsa Atayev, 26:47 – Sezar Auqusto, 5:42.
Hakimlər: Əli Cəbrayılov, Rza Məmmədov, Mahir Məmmədov.
Hakim-inspektor: Elçin Səmədli.
“Olimpik Star"

U-19 – "Neftçi" İK 4:8
Qol: Şahbaz Həndəmli, 8:17. Fərid Abbasov, 14:49. Sunay Həsənov, 19:17 – Ülvi Əliyev, 4:27; 20:58. Məhəmməd Abbasov, 6:41; 7:08. Mirzə Əmirov, 16:13; 26:38. Namiq Məmmədkərimov, 28:33. Fərid Atakişiyev, 29:57.
Hakimlər: Anar Fərəcov, Vüsal Balaşov, Ceyhun Hüseynov.
Hakim-inspektor: Azad Hüseynov.
“Olimpik Star”