COP29

“Mağazaya gedib qızım və həyat yoldaşım üçün nəsə ala bilirəmsə…”

1 Aprel 2023 16:20 Futzal 608
“Mağazaya gedib qızım və həyat yoldaşım üçün nəsə ala bilirəmsə…”

"Gizlətmirəm. Futzal mənim üçün hər şeydir. Mağazaya gedib qızım və həyat yoldaşım üçün nəsə ala bilirəmsə, hamısı bunun sayəsindədir".

Sportinfo.az xəbər verir ki, bunu "Tümen"də çıxış edən Azərbaycan millisinin futzalçısı Rafael Vilela "72.ru" saytına müsahibəsində deyib.

30 yaşlı hücumçu vaxtının əksəriyyətini idmana sərf etdiyini bildirib. 2022-ci ilin əvvəlində Rusiya təmsilçisinə keçən braziliyalı oyunçu Tümen şəhərini çox bəyəndiyini söyləyib:

"Bura gözəl və təmizdir. Əslində çox yerə getmirəm. Hazırda soyuqdur və bizdə ciddi idman rejimi var.

Hətta həftəsonları da zalda məşq edirəm. Axşamlar isə ailəmlə, dostlarımla ünsiyyət qururam".

Vilela rusların braziliyalılar qədər açıq olmadığını sözlərinə əlavə edib: "Sizdə belə mentalitet olduğunu başa düşürəm.

Biz dərhal ünsiyyət qurmağa başlayırıq. Ancaq Rusiyada belə şey yoxdur.

Tümendə daha çox braziliyalının olmasını istərdim. Bir-iki həmyerlimiz olsaydı, bu qədər darıxdırıcı olmazdı və uyğunlaşma daha yaxşı keçərdi".

Digər Xəbərlər
Xəbər Lenti